Nii pall´o ku om inemiisi, om ettekujotuisi
maailmast. Ilmu om pall´o. Suuri ja väikeisi, nättävit
ja säändsit, midä näe-i.
ELO. Elämi vallalidsõn
maailman. Ütele miildüse’ suurõ liina tulõ’,
tõõsõlõ taivatähe. Elo käü
egäl puul umma rata. Ja maailm tsiirotas õks vannaviisi
– a kas mi tiiä, kiä mi olõ, kohe lää
ja kuimuudu peräle saia’.
MÕTÕ'.
Hää mõtõ’, miä sündü
üten pään, om kõigi uma. Selle et nii saa
elo edesi minnä’. Vaihõpääl paistus,
et mõtõ’ om otsan ja maailm tüküs
kokko sadama. Sis kulus meile kõigilõ hää
nõu är’. Mitu pääd om mitu pääd.
ELOMÕTÕ'.
Egä inemise ja ütisüse tii pääl om säändsit
silmäpilkõ, ku tulõ uma tsiht vahtsõst
läbi mõtõlda. Atra säädä’,
vahtsõ elomõttõni’ jouda’. Maailm
tukõ inemiisi ja ütisüisi hüvvi mõttidõ
ja sõnomidõ otsmisõ ni hüvvi tegemiisi
man. |